🐤عزيزي المربي
هل تعلم ان درجة الحرارة في الترمومتر ممكن تكون ٣٥ والفراخ مرتاحه ومش بتعاني من إجهاد حراري وممكن تبقي ٢٩ درجة والفراخ تعاني من إجهاد حراري ! تعرف ليه ؟
✍لان كل ما تزيد سرعة الهواء وتقل الرطوبة يقل إحساس الطائر بالحرارة وكل ما تقل سرعة الهواء وتزيد الرطوبة بيزيد إحساس الطيور بالحرارة
☝️فلو الحرارة علي الترمومتر ٣٥ درجة والرطوبة ٣٠ % وسرعة الهواء ٢ متر / ث هتحس الفراخ بالحرارة علي انها ٢٢.٥ درجة ومش هتعاني من اجهاد حرارى علي الرغم من ان حرارة الترمومتر عالية
☝️اما لو الحرارة علي الترمومتر ٢٩ درجة والرطوبة ٨٠% وسرعة الهواء صفر متر /ث هتحس الفراخ بالحرارة علي انها ٣٣ درجة وهتعاني الفراخ من اجهاد حراري
👇وعلشان كدة
✋ماتاخدش قراءة الترمومتر معيار وحيد لراحة الطيور
✋أسس عنبرك علي أساس ان سرعة الهواء تكون ٣ متر / ث واستخدم منهم علي قدر حاجة مزرعتك لان لو الرطوبة زادت عن ٨٣ % وزادت الحرارة عن ٣٥ درجة في الاوزان التقيلة بتكون النتيجة كارثية لان تأثير خلايا التبريد بيقل جدا وبيكون الامل الوحيد للحفاظ علي حياة الطيور هي زيادة سرعة الهواء ومع الاسف اغلب العنابر بنلاقي سرعة الهواء فيها لا تزيد عن متر واحد في الثانية
👇الجداول دى بتوضح الفرق بين درجة الحرارة المقاسة بالترمومتر واللي بتحس بيها الطيور عند درجات حرارة ونسب رطوبة مختلفة
المركز البيطري
الدواجن،الحرارة،الرطوبة،ترمومتر،اجهاد حراري،العنابر
إرسال تعليق