عزيزى المربى
ازاي تتعامل صح مع الإجهاد الحراري ؟ وتعمل ايه في الايام شديدة الحرارة؟
✍لو عندك وزن كويس... ابدأ في البيع على الاقل تخفف التزاحم والإجهاد الحرارى
✍ رش ماء بارد على الحوائط والسقف من الخارج وحول العنبر .... وده بيكون الصبح بدرى
✍ اعطي ادوية الاجهاد الحرارى من الفجر علشان تشتغل بدرى وبلاش تأخر الدواء لحد الظهر
✍ حط ثلج فى ماء الشرب من الصبح بدرى وبلاش الانتظار حتى ارتفاع حرارة الجو
✍ نخلى الثلج ودواء الاجهاد الحرارى والمراوح شغالة اطول فترة ممكنة بالليل .... علشان تخلص الطائر من الحرارة المختزنة وتخليه مستعد ليوم تانى من الحر والا هيكون النافق عالى جدا فى اليوم التانى
✍ خفض ارتفاع السقايات وزود مستوى الماء فيها اثناء فترة الحر لتشجيع الطيور على الشرب
✍ ارفع العلف قبل ارتفاع درجة حرارة الجو ب 3 الى 6 ساعات لان الحرارة الناتجة عن تناول العلف بتصل ذروتها خلال 3 ساعات من الاكل
☝ ولذلك بلاش تتاخر فى رفع العلف لحد ما الجو يسخن لأن ده غلط
✍يفضل انك تعلق العلافات فى السقف( مش تفضيها وتسيبها على الارض ) لان تعليقها بيوفر مساحة على الارض وبيحسن توزيع الهواء وبيقلل احساس الفراخ بالحرارة
✍ اطفي الاضاءة من المغرب لمدة ساعتين .... وده له تاثير مهدئ للطيور وبيساعدها على التخلص من الحرارة وبيحسن سحب العلف والتحويل .... مع مراعاة المشى وسط الفراخ وتحريكها حركة خفيفة قبل الاظلام التام للتخلص من الحرارة المختزنة تحت الطائر وتبريد الصدر
✍عالج المايكوبلازما بشكل صحيح للحفاظ على سلامة الجهاز التنفسى لأنه الطريق الوحيد للتخلص من الحرارة الزائدة ....ووجود مشاكل تنفسية هيزود النافق بشكل كبير
✍ لا يفضل استخدام بعض المضادات الحيوية خلال الفترة دى زى انروفلوكساسين وسيبروفلوكساسين ونوروفلوكساسين .... لأنها ممكن تسبب مشاكل كلوية مع الجفاف الموجود بسبب الحر
✍ لهواة اضافة المحاليل السكرية زى العسل الاسود ... لا ينصح به فى النهار ولكن يمكن اضافته فى الاوقات الباردة من الليل
✍ضيف بعض منشطات النمو التى تحتوى على البكتيريا النافعة للحفاظ علي التوازن الميكروبى للامعاء
✍ممنوع اضافة الاسبيرين و املاحه كخافض للحرارة لو عندك جمبورو اوكوكسيديا
✍لا يفضل استخدام الادوية اللى لها طعم غير مستساغ فى الفترة دى لانها هتقلل شرب الماء وعند الضرورة ممكن اضافة محلول سكرى معاها زى العسل الاسود
المركز البيطري
الدواجن،الإجهاد الحراري ،الصيف،الكتاكيت،كوكسيديا
إرسال تعليق